Educación infantil

A educación dos vosos fillos e fillas, nas mellores mans


  • Escolas infantís municipais

As escolas infantís municipais de Narón atenden a nenos e nenas dende 3 meses a 3 anos de idade cun obxectivo común: contribuír a que os nenos e as nenas crezan sans e felices.

As escolas infantís de Narón


  • A Galiña Azul

As escolas infantís da Rede A Galiña Azul están dirixidas a nenos e nenas con idades comprendidas entre os 3 meses e os 3 anos. Trátase dun servizo público de atención á infancia, educativo asistencial, que busca adaptarse ao concepto de familia do século XXI e permitir a conciliación da vida laboral e persoal da cidadanía galega ao tempo que facilita a súa inserción no mercado laboral.

Rede de escolas infantís de Galicia


  • Escola semente de Transancos

As escolas de ensino galego Semente son unha iniciativa social sen ánimo de lucro que pretende conformar, xunto con outros proxectos semellantes, as bases necesarias para a creación da Escola Nacional Galega. Ademais da escola semente de Trasancos en Narón, contan con outras dúas escolas en Vigo e Compostela.

Semente Trasancos


  • Alí, educación infantil en galego

Alí é un portal de recursos en galego para a educación infantil. Creouse como ferramenta de apoio á actividade formativa do persoal das escolas infantís e tamén vai dirixido a todas as persoas involucradas na educación das cativas e cativos: pais, nais, ANPAS, ludotecas, bibliotecas…

Alí, recursos en galego para a educación infantil


  • Orella pendella

Espazo dedicado á difusión e recompilación de literatura popular infantil de Galicia de tradición oral coa intención de que siga sendo unha ferramenta educativa e de lecer para os galegos e as galegas do século XXI. Está aberto á colaboración de quen queira enviar as súas achegas: recitados, coplas, arrolos, xogos…

Ditos, recitados e cancións infantís – Orella pendella


  • Kalandraka

Editorial especializada en literatura infantil e xuvenil que naceu en 1988 coa intención de publicar obras da mellor calidade estética e literaria en galego para contribuír á normalización lingüística de Galicia. Na actualidade, publica en varios idiomas e ten presenza en varios países.

Catálogo de Kalandraka – Libros por idade


  • OQO Editora

OQO é unha editorial que quere achegar os soños aos nenos e nenas; un espazo onde habitan suxestións innovadoras que invitan a soñar, a reflexionar e a degustar imaxes, músicas, voces e palabras. Publica en varios idiomas e conta con recoñecementos internacionais.

Colección nanOQOs


  • Patasdepeixe

Patasdepeixe é unha editora galega independente creada en 2008. Publica en galego obras fundamentais da literatura universal para fomentar a lectura entre os nenos e nenas.

Os libros de patasdepeixe